Disqus - Latest Comments for kpsukumaran

Re: Mathrubhumi: Programs

kpsukumaran — Mon, 27 Jun 2016 20:18:44 -0000

ഈ ചർച്ച കാണുവാനിടയായി. ശാസ്ത്രീയവിഷയങ്ങളിൽ ഇത്രയും അറിവ് കുറഞ്ഞ ഒരു കൃഷിമന്ത്രിയെ ആണല്ലൊ കേരളത്തിനു കിട്ടിപ്പോയത് എന്നതിൽ ഖേദം തോന്നി. ഒരു കമ്മ്യൂണിസ്റ്റുകാരനു മിനിമം ശാസ്ത്രബോധം വേണമെന്ന് ആരും പ്രതീക്ഷിക്കും. എന്നാൽ മന്ത്രി സുനിൽ കുമാറും കമ്മ്യൂണിസവും തമ്മിൽ കടലും കടലാടിയും പോലെയുള്ള ബന്ധമേയുള്ളൂ എന്ന് മനസ്സിലായി. അല്ലെങ്കിലും പുത്തൻ കമ്മ്യൂണിസ്റ്റുകാർക്ക് എന്ത് ശാസ്ത്രം എന്ത് വൈരുദ്ധ്യാധിഷ്ഠിത ഭൗതികവാദം എന്ത് മാർക്സിസം. ഇവരൊക്കെ എന്നെങ്കിലും മാർക്സിസം വായിച്ചിരിക്കുമോ? രവിചന്ദ്രന്റെ ശാസ്ത്രീയമായ വാദങ്ങളെ അസംബന്ധമെന്ന് പറഞ്ഞു പുച്ഛിക്കുകയാണു സുനിൽ കുമാർ ചെയ്തത്. അത് മന്ത്രി എന്ന ധാർഷ്ഠ്യത്തിലാണു. കൃഷി സംബന്ധമായ ചർച്ചയിൽ ഈ മന്ത്രി നടത്തിയത് പോലെ ഇത്രയും വിവരം കെട്ട പ്രസ്താവന നടത്തിയ മറ്റൊരാളെ ഞാൻ കണ്ടിട്ടില്ല. ജൈവവളം ഇട്ട പഴവും യൂറിയ ഇട്ട പഴവും രുചി എങ്ങനെയുണ്ട് എന്ന് നോക്ക് എന്നാണു മന്ത്രി അവതാരകയോട് പറഞ്ഞത്. ഇത്തരം കാര്യങ്ങളിൽ ഈ അവതാരകർക്ക് വല്ല വിവരവും ഉണ്ടാകുമോ എന്തോ?

ഈ ഭൂമിയിൽ ജീവൻ ഉള്ളതും ഇല്ലാത്തതുമായ എല്ലാ പദാർത്ഥങ്ങളും നിർമ്മിക്കപ്പെട്ടിരിക്കുന്നത് 92 മൂലകങ്ങളിൽ ചിലത് ചേർന്നിട്ടാണു. അതായത് ഈ 92 മൂലകങ്ങൾ അല്ലാതെ ഭൂമിയിലോ പ്രകൃതിയിലോ പ്രപഞ്ചത്തിലോ വേറൊന്ന് ഇല്ല. ഈ മൂലകങ്ങളെ കെമിക്കൽ എലമെന്റ്സ് എന്ന് തന്നെയാണു പറയുന്നത്. ഈ മൂലകങ്ങൾ തമ്മിൽ നടക്കുന്ന രാസപ്രവർത്തനങ്ങൾ തന്നെയാണു ഭൂമിയിലും പ്രകൃതിയിലും പ്രപഞ്ചത്തിലും നടക്കുന്ന എല്ലാ പ്രവർത്തനങ്ങളും. സൂര്യൻ ജ്വലിക്കുന്നത് ഒരു രാസപ്രവർത്തനമാണു. ചെടികൾ ആഹാരം നിർമ്മിക്കുന്നത് രാസപ്രവർത്തനമാണു. നമ്മൾ ശ്വസിക്കുന്നതും ആഹാരം ദഹിക്കുന്നതും , ദഹിച്ച ആഹാരം ഓക്സിജന്റെ സാന്നിദ്ധ്യത്തിൽ കോശങ്ങളിൽ കത്തി ഊർജ്ജം പുറത്ത് വിടുന്നതും എല്ലാം രാസപ്രവർത്തനങ്ങളാണു.

ആഹാരത്തിൽ കൂടി നിശ്ചിത രാസമൂലകങ്ങളാണു നമ്മുടെ ശരീരത്തിൽ പ്രവേശിക്കുന്നത്. അതേത് ഭക്ഷണപദാർത്ഥങ്ങളിൽ നിന്നാണു എന്ന് ശരീരം തിരിച്ചറിയുന്നില്ല. ഉദാഹരണത്തിനു ശരീരത്തിൽ *പ്രോട്ടീൻ നിർമ്മിക്കണമെങ്കിൽ നൈട്രജൻ കിട്ടണം. അത് പാലിൽ നിന്നോ മുട്ടയിൽ നിന്നോ ഇറച്ചിയിൽ നിന്നോ സോയാബീനിൽ നിന്നോ മറ്റ് പയർ വർഗ്ഗങ്ങളിൽ നിന്നോ ആകാം. ഏതിൽ നിന്നായാലും ശരീരത്തിനു നൈട്രജൻ മാത്രമാണു. അത് പോലെ സസ്യങ്ങൾക്ക് മണ്ണിൽ നിന്ന് 13 രാസമൂലകങ്ങൾ മാത്രമാണു വേണ്ടത്. നൈട്രജൻ , ഫോസ്ഫറസ്, പൊട്ടാസിയം മുതൽ 13 മൂലകങ്ങൾ മാത്രം. ആ 13 മൂലകങ്ങൾ എന്നാൽ രാസമൂലകങ്ങൾ തന്നെയാണു. ജൈവമൂലകങ്ങൾ എന്നൊന്നില്ല. ഏത് ജൈവപദാർത്ഥവും മണ്ണിൽ വിഘടിക്കപ്പെട്ട് രാസമൂലകമായി മാറുന്നു. അങ്ങനെ വിഘടിക്കപ്പെട്ട ജൈവപദാർത്ഥത്തിലെ നൈട്രജനും യൂറിയയിലെ നൈട്രജനും ഒന്ന് തന്നെയാണു. ഈ അടിസ്ഥാനവിവരം എങ്കിലും ഒരു കൃഷി മന്ത്രിക്ക് വേണമായിരുന്നു.

ചെടികൾക്ക് ആകെ വേണ്ടത് 16 മൂലകങ്ങളാണു, അതിൽ 13 എണ്ണം മണ്ണിൽ നിന്നും ബാക്കി മൂന്നെണ്ണം കാർബൺ, ഓക്സിജൻ, ഹൈഡ്രജൻ എന്നിവ അന്തരീക്ഷത്തിൽ നിന്നും ജലത്തിൽ നിന്നും സ്വീകരിക്കുന്നു. ഏത് ജീവിയുടെയും ശരീരത്തിന്റെ അടിസ്ഥാന യൂനിറ്റ് കോശമാണു. അതായത്ത് കോശങ്ങൾ ചേർന്നതാണു ഏത് ജീവിയുടെയും ശരീരം. സസ്യങ്ങളുടെയും വൃക്ഷങ്ങളുടെയും അടിസ്ഥാനഘടകവും കോശങ്ങൾ തന്നെ. രാസമൂലകങ്ങൾ ചേർന്ന് തന്മാത്രകളും, തന്മാത്രകൾ ചേർന്ന് കോശങ്ങളും കോശങ്ങൾ ചേന്ന് ജന്തുശരീരവും വൃക്ഷലതാദികളും ഉണ്ടാകുന്നു. മൃതമായി കഴിഞ്ഞാൽ ഏത് ശരീരവും സസ്യവും വീണ്ടും തന്മാത്രകളും രാസമൂലകങ്ങളുമായി മണ്ണിൽ ലയിക്കുന്നു. ഈ പ്രക്രിയ അനുസ്യൂതം തുടരുന്നു.

അപ്പോൾ ജൈവകൃഷി, രാസകൃഷി എന്നൊക്കെ പറയുന്നത് വിഢികളുടെ വിവരക്കേടാണു. ജൈവമെന്നും രാസമെന്നും രണ്ട് തരം പദാർത്ഥങ്ങൾ പ്രകൃതിയിൽ ഇല്ല. എന്നാൽ ജീവൻ ഉള്ളതും ഇല്ലാത്തതും ആയവയുണ്ട്. ജീവൻ ഇല്ലാത്ത രാസമൂലകങ്ങൾ ചേർന്നിട്ടാണു ജീവനുള്ള പദാർത്ഥങ്ങൾ ഉണ്ടായിട്ടുള്ളത്.
*പ്രോട്ടീൻ എന്നാൽ അമിനോ ആസിഡുകളാണു. നമ്മൾ കഴിക്കുന്ന ആഹാരത്തിലെ പ്രോട്ടീൻ ചെറുകുടലിൽ വെച്ച് അമിനോ ആസിഡ് തന്മാത്രകളായി വിഘടിക്കപ്പെട്ട് രക്തത്തിലേക്ക് ആഗിരണം ചെയ്യപ്പെടുകയും, കോശങ്ങളിൽ വെച്ച് വീണ്ടും ആ അമിനോ ആസിഡുകൾ നമ്മുടെ ശരീരത്തിന്റെ പ്രോട്ടീൻ ആയി മാറുകയും ചെയ്യുന്നു. ഓരോ ജീവിയുടെയും പ്രോട്ടീൻ വ്യത്യസ്തമായിരിക്കും. ആകെ 20 തരം അമിനോ ആസിഡുകളാണുള്ളത്. അതായത് 20 തരം അമിനോ ആസിഡുകൾ കൊണ്ടാണു ഇക്കണ്ട ജീവികളുടെയെല്ലാം വ്യത്യസ്ത പ്രോട്ടീനുകൾ ഉണ്ടായിരിക്കുന്നത്. അമിനോ ആസിഡ് എന്നാൽ നൈട്രജൻ, ഓക്സിജൻ,കാർബൺ,ഹൈഡ്രജൻ എന്ന നാല് രാസമൂലകങ്ങൾ ചേർന്ന് ഉണ്ടാകുന്ന തന്മാത്രയാണു.

ഓരോ ജീവിയും സസ്യവും അതിനാവശ്യമായ അമിനോ ആസിഡുകൾ ഇപ്പറഞ്ഞ നാലു മൂലകങ്ങൾ കൊണ്ട് നിർമ്മിക്കുകയും ആ അമിനോ ആസിഡുകൾ കൊണ്ട് പ്രോട്ടീൻ നിർമ്മിക്കുകയും ചെയ്യുന്നു. മനുഷ്യനു പക്ഷെ 11 അമിനോ ആസിഡുകൾ മാത്രമേ നിർമ്മിക്കാൻ പറ്റൂ. ബാക്കി 9 അമിനോ ആസിഡുകൾ ഭക്ഷണത്തിൽ നിന്ന് നേരിട്ട് ലഭിക്കണം. അത്കൊണ്ടാണു പ്രോട്ടീൻ ലഭിക്കാൻ നമ്മൾ പാൽ,മുട്ട,മാംസം,മത്സ്യം അല്ലെങ്കിൽ പയർ വർഗ്ഗങ്ങൾ മുതലായ മാംസ്യാഹാരം കഴിക്കണം എന്ന് പറയുന്നത്. ഇപ്പറഞ്ഞ പ്രോട്ടീനിലെ അടിസ്ഥാന മൂലകങ്ങളായ നൈട്രജൻ, ഓക്സിജൻ, കാർബൺ, ഹൈഡ്രജൻ എന്നിവ എല്ലാം ഒന്ന് തന്നെയാണു. യൂറിയയിലെ നൈട്രജൻ തന്നെയാണു ഏത് മാംസാഹാരത്തിലെയും നമ്മുടെ ശരീരത്തിലെയും നൈട്രജൻ എന്ന് സാരം.

Re: കമ്പ്യൂട്ടറിനെ എതിര്‍ത്തുവെന്നത് ശരിതന്നെ; ഐ.ടി വികസനം പ്രധാനം: പിണറായി - Kerala - News - Mathrubhumi: Kerala News, Latest Kerala News, Kerala Breaking News, Kerala Politics

kpsukumaran — Sat, 16 Jan 2016 02:16:45 -0000

തൊഴിലിനെ ബാധിക്കുമെന്നതിനാല്‍ തുടക്കത്തില്‍ സി.പി.എം കമ്പ്യൂട്ടറിനെ എതിര്‍ത്തുവെന്നത് ശരിതന്നെ. എന്നാല്‍, അതുകൊണ്ടല്ല സംസ്ഥാനത്ത് ഐ.ടി മേഖല വളരാതിരുന്നത് എന്ന പിണറായിയുടെ വാദം കള്ളമാണ്. വെറും എതിർപ്പല്ല സി.പി.എം. ഉയർത്തിയത്. അണികളെ കൊണ്ട് കുറേക്കാലം കമ്പ്യൂട്ടർ വിരുദ്ധ സമരം നടത്തിച്ചു. കമ്പ്യൂട്ടറുകൾ തകർക്കപ്പെട്ടു. സി.പി.എം. കമ്പ്യൂട്ടറിനെ എതിർത്ത് സമരപരമ്പര നടത്തിയത് കൊണ്ട് മാത്രമാണ് കേരളത്തിൽ ഐ.ടി.മേഖല മുരടിച്ച് പോയത്. അല്ലായിരുന്നെങ്കിൽ കേരളം ഇന്ത്യയുടെ ഐ.ടി ഹബ്ബ് ആയി മാറുമായിരുന്നു.

Re: Mathrubhumi - Books--ആറന്മുള വിമാനത്താവളം ആവശ്യം-സക്കറിയ

kpsukumaran — Sun, 09 Aug 2015 23:56:21 -0000

ആറന്മുള വിമാനത്താവളത്തിനു എന്ത് പാരിസ്ഥിതിക പ്രാധാന്യമാണു തടസ്സമായി നിൽക്കുന്നത്. അതേ തടസ്സം ഏത് വിമാനത്താവളത്തിനും ഉണ്ട് എന്ന് വാദിക്കാമല്ലൊ. മറ്റേത് വിമാനത്താവളത്തിനും ഇല്ലാത്ത ഒരു പാരിസ്ഥിതികപ്രാധാന്യവും ആറന്മുളയ്ക്കില്ല. ആറന്മുള വിമാനത്താവളത്തിനെതിരെ പറയുന്നത് പരിസ്ഥിതിതീവ്രവാദികളും വർഗ്ഗീയവാദികളും മാത്രമാണെന്ന് എല്ലാവർക്കും അറിയാം. നാടിന്റെ വികസനത്തിനു വേണ്ടി ഈ പരിസ്ഥിതിതീവ്രവാദികളെയും വർഗ്ഗീയവാദികളെയും ഒറ്റപ്പെടുത്താൻ ജനങ്ങൾ മുന്നോട്ട് വരേണ്ടതുണ്ട്. സക്കറിയയുടെ പ്രസ്താവന സ്വാഗതാർഹമാണു.

Re: Welcome to Sell me the Answer

kpsukumaran — Wed, 22 Jul 2015 01:10:44 -0000

തെറ്റ് ഉത്തരം നൽകുന്ന ട്രേഡർക്ക് പാരിതോഷികം നൽകുന്ന ഏർപ്പാട് അധാർമ്മികമാണു. അത് പോലെ തന്നെ എന്നെ വിളിക്കൂ, എന്നെ വിളിക്കൂ എന്ന് മത്സരാർത്ഥിയോട് ട്രേഡർമാർ കെഞ്ചുന്ന ആക്രാന്തം സഹിക്കാൻ പറ്റുന്നില്ല. ഒരു ക്വിസ്സ് പരിപാടിയിൽ പങ്കെടുക്കുന്നവരെ ഇത്രയും താഴ്ന്ന പ്രകടനം കാഴ്ച വയ്ക്കേണ്ട അവസ്ഥയിലേക്ക് എത്തിക്കരുത്. ട്രേഡർമാർ പറയുന്ന ഉത്തരം തെറ്റാണെങ്കിൽ അവർക്ക് പണം നൽകാതിരിക്കുകയും ട്രേഡറായി തുടരാനുള്ള അവസരം നൽകുകയുമാണു ധാർമ്മികമായും അറിവുപരമായും ശരി.

Re: പരലോകയാത്ര ( പെണ്‍മക്കള്‍വഴി ) - articles,features - Mathrubhumi Eves

kpsukumaran — Tue, 16 Jun 2015 09:09:41 -0000

പരലോകയാത്ര എന്ന് തലക്കെട്ട് കൊടുത്ത് ഇങ്ങനെയൊരു ലേഖനം ഒരു പത്രം പ്രസിദ്ധീകരിക്കുമ്പോള്‍ പരലോകം എന്നൊരു ലോകം പ്രപഞ്ചത്തില്‍ ഉണ്ട് എന്നും മരണപ്പെട്ടവര്‍ ആ ലോകത്തെക്ക് സഞ്ചരിക്കുകയാണു എന്നുമാണു ആളുകള്‍ ധരിച്ചുപോവുക. പരലോകം എന്നൊരു ലോകം യഥാര്‍ഥത്തില്‍ ഉണ്ടെന്ന് ഇതെഴുതിയ ലേഖകന്‍ വിശ്വസിക്കുന്നുണ്ടോ എന്നറിയില്ല. ഉണ്ടെങ്കില്‍ അത് ലേഖകന്റെ സൌകര്യം. വിശ്വാസത്തില്‍ ചോദ്യമില്ലല്ലൊ. പക്ഷെ ആ വിശ്വാസം മറ്റുള്ളവരുടെ തലയില്‍ അടിച്ചുകയറ്റുന്നത് പാതകമാണു. മരണപ്പെട്ടാല്‍ അതോടനുബന്ധിച്ച് ചില ചടങ്ങുകള്‍ ചെയ്തുവരുന്നത് സാമൂഹികമായ ഒരാചാരമാണു. ആണ്‍‌മക്കള്‍ ചെയ്യുന്നത് ഇവിടെ പെണ്‍‌മക്കള്‍ ചെയ്തു എന്നൊരു വ്യത്യാസമേയുള്ളൂ. അത് പരലോകത്തേക്ക് യാത്രയയപ്പ് ആ‍ണെന്ന് വരുത്തിത്തീര്‍ക്കുന്നത് മോശമായിപ്പോയി.

Re: ചുവരെഴുത്തുകൾ: മാഗി ആശങ്കപ്പെടുത്തുന്ന വാർത്തകൾ

kpsukumaran — Sat, 23 May 2015 23:58:01 -0000

തീർച്ചയായും ഇത്തരം പ്രചരണങ്ങൾ വെറുതെ ആളുകളെ തെറ്റിദ്ധരിപ്പിക്കാനായി പടച്ചുവിടുന്ന സെൻസേഷനൽ വാർത്തകൾ മാത്രമാണു. മുൻപ് ഈസ്റ്റേൺ കറി പൗഡറിനെതിരെയും ഇങ്ങനെ പ്രചരണങ്ങൾ ഉണ്ടായി. ഒന്ന് കേട്ടാൽ ഒന്നും ചിന്തിക്കാതെ ഷെയർ ചെയ്യുക എന്നതാണു ആളുകളുടെ രീതി. എന്തായാലും ഭക്ഷണപദാർത്ഥങ്ങൾ കഴിയുന്നതും നമ്മൾ പാകം ചെയ്ത് കഴിക്കുന്നതാണു നല്ലത്.

Re: എന്‍െറ മകള്‍ നര്‍ത്തകിയായിക്കോട്ടെ.. പക്ഷെ ഡോക്ടറാവേണ്ട..

kpsukumaran — Tue, 19 May 2015 05:09:02 -0000

അസംബന്ധം. ഒറ്റപ്പെട്ട സംഭവങ്ങൾ നടക്കുന്നു എന്ന് വെച്ച് ഒരു രാജ്യത്ത് ആരും ഡോക്ടർ ആകരുത് എന്നും അത് വഴി രോഗികൾ ചത്തൊടുങ്ങട്ടെ എന്നുമുള്ള മട്ടിൽ മകൾക്കാണെങ്കിലും ആശയം പരസ്യമായി പ്രചരിപ്പിക്കുക വഴി ഇയാൾ രാജ്യദ്രോഹിയാവുകയാണു. ഇയാളെ പ്രോസിക്യൂട്ട് ചെയ്യണം. ഇങ്ങനെ ഓരോ ജോലിയിൽ ഏർപ്പെട്ടിരിക്കുന്നവർക്കും പറയാലോ? ഇയാളുടെ പോസ്റ്റ് സോഷ്യൽ മീഡിയയിൽ വൈറലാകുന്നെങ്കിൽ അത് അപകടമാണു.

Re: കേരളത്തില്‍ ശിവസേനയുടെ മതപരിവര്‍ത്തനമേള | REPORTER - First Journalist Driven News Channel in Malayalam - Breaking News, Latest News, Kerala,India,World,Politics,Movies,Entertainment,Sports,Business...

kpsukumaran — Fri, 26 Dec 2014 07:21:05 -0000

ഇതൊക്കെ ഇങ്ങനെ വാർത്തയാക്കി പൊലിപ്പിക്കുന്നവരെ പറഞ്ഞാൽ മതിയല്ലൊ. ഓരോ അസംബന്ധങ്ങൾ വാർത്തയാക്കിക്കോളും ..

Re: മലയാളിക്ക് രക്ഷകരില്ലെന്ന് മോഹന്‍ലാല്‍ , Malayalam - Mathrubhumi Movies

kpsukumaran — Sun, 21 Dec 2014 08:01:26 -0000

ഈ കമ്പം തേനി ഭാഗത്ത് ഷൂട്ടിങ്ങിനു പോയപ്പോള്‍ പച്ചക്കറിയില്‍ വിഷമടിക്കുന്നത് കണ്ടതും ചോദിച്ചപ്പോൾ ഇത് കേരളത്തിലേക്കുള്ളതാണ്, ഞങ്ങള്‍ക്ക് വിഷം തളിക്കാത്തത് വേറെയുണ്ട് എന്ന് തോട്ടമുടമ പറയുന്നതും എല്ലാവരും വെച്ചുകാച്ചുന്നുണ്ടല്ലോ. സലിം കുമാറും ഇത് തന്നെയാണു പറഞ്ഞത്. അദ്ദേഹത്തിന്റെ ഞെട്ടലും മാറിയിട്ടില്ല. ഇപ്പോൾ അത് കേട്ട തനിക്കും സത്യേട്ടനും ഞെട്ടല്‍ ഇതുവരെ മാറിയിട്ടില്ലെന്ന് മോഹൻ ലാലും ഓര്‍ക്കുന്നു.

Re: രാജ്യത്ത് കാവി വിപ്ലവം കൊണ്ടുവരുമെന്ന് നരേന്ദ്ര മോദി

kpsukumaran — Tue, 14 Oct 2014 01:03:00 -0000

അപ്പോ പൂച്ച പുറത്ത് ചാടി അല്ലേ? ഇതായിരുന്നോ ഇന്ത്യയെ ഗുജറാത്തോളം വികസിപ്പിക്കും എന്ന് പറഞ്ഞപ്പോൾ ശ്രീ.മോദി ഉദ്ദേശിച്ചിരുന്നത്. ദേശീയ പതാകയിൽ പച്ച നിറവും ഉണ്ട്. അപ്പോൾ പച്ച വിപ്ലവവും വേണ്ടേ ?

Re: രാഷ്ട്രീയ പാര്‍ട്ടികളും സ്വകാര്യ വിവരശേഖരണവും | Madhyamam | Latest Malayalam News, Kerala News, Gulf News, Sports News, National and International News, Malayalam movie reviews

kpsukumaran — Wed, 17 Sep 2014 07:56:17 -0000

സർവേയിൽ മാർക്സിസ്റ്റിതരർ എന്ന് കണ്ടെത്തുന്നവരെ വിപ്ലവം പൂർത്തിയാകുമ്പോൾ വൺ റ്റൂ ത്രീ എന്ന് ലിസ്റ്റ് പ്രകാരം ഉന്മൂലനം ചെയ്യാൻ എളുപ്പമായിരിക്കും. ഇന്ത്യയിൽ ഏതായാലും വിപ്ലവം നടക്കാൻ പോകുന്നില്ല. അത്കൊണ്ട് കേരളത്തിൽ ജനകീയജനാധിപത്യവിപ്ലവം വിജയിപ്പിക്കാൻ തീരുമാനിച്ചിരിക്കും.

Re: സി.എ.ജി പറയുന്നു; എണ്ണക്കമ്പനികള്‍ വന്‍ ലാഭത്തില്‍ | Madhyamam

kpsukumaran — Sun, 20 Jul 2014 03:12:36 -0000

നമ്മുടെ ജനപ്രനിധികളെ , മന്ത്രിമാരെ, സർക്കാരിനെ ബ്യൂറോക്രാറ്റുകൾ കബളിപ്പിക്കുകയും കള്ളക്കണക്ക് കാണിക്കുകയും അവരെക്കൊണ്ട് ജനവിരുദ്ധനടപടികൾ എടുപ്പിക്കാൻ പ്രേരിപ്പിച്ചുവരികയാണു എന്നത് പരസ്യമായ രഹസ്യമാണു. മന്ത്രിയാകുന്നവർക്ക് എല്ലാ കാര്യങ്ങളും പഠിക്കാൻ അവസരവും സാവകാസവും കിട്ടണമെന്നില്ല. അപ്പോൾ ഉദ്യോഗസ്ഥന്മാർ നീട്ടുന്ന കടലാസിൽ ചുണ്ടൊപ്പ് പതിക്കാനേ കഴിയൂ. എല്ലാറ്റിനും സോഷ്യൽ ഓഡിറ്റിങ്ങ് വേണം. ഭരണം സുതാര്യമാകണം. ഔദ്യോഗികരഹസ്യം എന്ന മാരണം ഒഴിവാകണം. ബ്യൂറോക്രാറ്റുകൾ തീർത്ത ഇരുമ്പ്മറ പൊളിച്ചടുക്കാൻ ജനകീയപ്രസ്ഥാനം ഉയർന്നുവരട്ടെ.

Re: നൂറു വര്‍ഷം കഴിഞ്ഞെത്തിയതിന്റെ പുണ്യം - Special News - Mathrubhumi

kpsukumaran — Wed, 16 Jul 2014 03:11:03 -0000

ഒരു നൂറു വർഷം കഴിഞ്ഞാണു താൻ ജനിച്ചിരുന്നതെങ്കിൽ എന്നൊരു തോട്ട് എക്സ്പെരിമെന്റ് മുരളി തുമ്മാരുകുടി നടത്തിയിരുന്നുവെങ്കിൽ ഇന്നത്തെ ജീവിതം, അക്കാലത്ത് ഇടക്കിടെ ക്ഷൗരം ചെയ്ത് കളയുന്ന രോമത്തിന്റെ പോലും വിലയില്ലായെന്ന് അദ്ദേഹത്തിനു മനസ്സിലാകുമായിരുന്നു. എന്തായാലും ഭൂതകാലത്തേക്കും ഭാവിയിലേക്കും ഒരു ചിന്താപരീക്ഷണം ആർക്കും നല്ലതാണു

Re: Asianet News:കൂടംകുളം ആണവനിലയത്തില്‍ പൊട്ടിത്തെറി: 6 പേര്‍ക്ക് പൊള്ളലേറ്റു

kpsukumaran — Wed, 14 May 2014 07:00:55 -0000

കൂടംകുളം ആണവവൈദ്യുതനിലയത്തോടും മുല്ലപെരിയാർ അണക്കെട്ടിനോടും ചിലർക്ക് എന്തെന്നില്ലാത്ത പകയാണു. എപ്പോഴാണു കൂടംകുളത്ത് സുനാമി വരിക, എന്നാണു മുല്ലപെരിയാർ ഡാം തകരുക എന്ന് ഇക്കൂട്ടർ ഉറക്കമൊഴിച്ചു കാത്തിരിക്കുകയാണു. പ്രത്യേകിച്ചും കേരളത്തിലെ ചാനൽ റിപ്പോർട്ടമാർ. അപ്പോൾ വാർത്താചാകര കൊയ്യാമല്ലൊ.

Re: ‘കനത്ത’ പോളിങ്ങിന്‍െറ രഹസ്യങ്ങള്‍ | Madhyamam | Latest Malayalam News, Kerala News, Gulf News, Sports News, National and International News, Malayalam movie reviews

kpsukumaran — Mon, 14 Apr 2014 00:52:20 -0000

ഇവിടെയുള്ള ജനാധിപത്യം കമ്മ്യൂണിസ്റ്റുകാർക്ക് ബൂർഷ്വാജനാധിപത്യമാണു. അത്കൊണ്ട് ഇവിടത്തെ ജനാധിപത്യസംവിധാനങ്ങളെ പരിപാലിക്കുകയല്ല തുരങ്കം വയ്ക്കുകയാണു കമ്മ്യൂണിസ്റ്റുകാരുടെ വർഗ്ഗപരമായ കടമ. അതിലൊന്നാണു കള്ളവോട്ട്. അവരെ കുറ്റം പറഞ്ഞിട്ട് കാര്യമില്ല, സിദ്ധാന്തം അതായിപ്പോയില്ലേ. ജനാധിപത്യവിശ്വാസികൾ ഒന്നിക്കുകയാണു വേണ്ടത്.

Re: Should AAP form a goverment in Delhi?

kpsukumaran — Fri, 20 Dec 2013 03:18:37 -0000

There is no dishonesty in making govt with support of congress...so go for it

Re: മാധവിക്കുട്ടിയെ മുസ്ലീം കാമുകന്‍ പ്രേമം നടിച്ചു മതം മാറ്റി വഞ്ചിച്ചു; ഇന്ദുമേനോന്‍

kpsukumaran — Mon, 06 May 2013 08:27:20 -0000

ഇതൊക്കെ എന്തിനാണ് ഇപ്പോള്‍ വലിച്ച് പുറത്തിടുന്നത്. മാധവിക്കുട്ടി മരിച്ചുപോയില്ലേ. ഇന്ദു മേനോന്‍ പറഞ്ഞത് മലയാളികള്‍ക്ക് പുതിയ അറിവൊന്നുമല്ല. വെറുതെ ഓരോന്ന് ......

Re: emalayalee.com - സെല്ലുലോയിഡ്‌ - കാഴ്‌ചകളുടെ, ഓര്‍മ്മകളുടെ നൊമ്പരം

kpsukumaran — Thu, 21 Feb 2013 21:14:54 -0000

നല്ല നിരൂപണം. സിനിമ ഇനിയും കാണാത്തവർക്ക് നല്ലൊരു മുഖവുരയും കാണാനുള്ള പ്രചോദനവുമായി ഈ ലേഖനം.

Re: മോഹന്‍ലാലിന് ഒരു തുറന്ന കത്ത്

kpsukumaran — Tue, 22 May 2012 02:05:32 -0000

മോഹന്‍ലാലിന്റെ കുറിപ്പ് വളരെ ഹൃദയശ്പര്‍ശിയായിരുന്നു. ആ കുറിപ്പ് അതര്‍ഹിക്കുന്ന സ്പിരിറ്റോടുകൂടി തന്നെ പൊതുസമൂഹം സ്വീകരിച്ചിരിക്കും. ആ രീതിയില്‍ ഒരു പ്രതികരണത്തിന് മുതിര്‍ന്ന മോഹന്‍ലാലിനെ അനുമോദിക്കുന്നു. അമ്മമാരെ ഓര്‍മ്മിക്കുന്ന ഒരാള്‍ക്കും ഇനിയൊരു അമ്മയുടെ മകനെ വെട്ടിക്കൊല്ലാന്‍ കഴിയാതിരിക്കേണമേ എന്ന് പ്രാര്‍ത്ഥിക്കുന്നു.

Re: പ്രതിശ്രുത മന്ത്രിമാരോട് എന്തുമാകാമല്ലോ !

kpsukumaran — Wed, 28 Mar 2012 19:58:33 -0000

അനൂപിനെയും ലീഗ് നിര്‍ദ്ദേശിക്കുന്ന അഞ്ചാം മന്ത്രിയെയും ഏറ്റവും അടുത്ത ദിവസം സത്യപ്രതിജ്ഞ ചെയ്യിക്കാനും , ഗണേഷിനെ മാറ്റിയിട്ട് പകരം ഒരു എം.എല്‍.എ.യെ എടുക്കാന്‍ താങ്കളുടെ പാര്‍ട്ടിയില്‍ ആളില്ലാത്ത നിലയ്ക്ക് അക്കാര്യം മിണ്ടരുതെന്ന് പറഞ്ഞ് പിള്ളയുടെ വായടപ്പിക്കാനും കഴിയുന്ന തീരുമാനങ്ങള്‍ യു.ഡി.എഫിന് എടുക്കാന്‍ കഴിഞ്ഞിരുന്നെങ്കില്‍ അതിനൊരു അന്തസ്സുണ്ടായിരുന്നു. ഇതിപ്പോള്‍ ഹൈക്കമാന്‍ഡിന് വിടുന്നു പോലും. ത്ഫൂ ....

Re: Mathrubhumi Special Page || സി.കെ.ചന്ദ്രപ്പന്‍ - Post Comments

kpsukumaran — Thu, 22 Mar 2012 10:32:52 -0000

Heartfelt condolences !

Re: പലവട്ടം ചാണകക്കുഴിയില്‍ വീണിട്ടും കുളിക്കടവില്‍ ഒളിഞ്ഞുനോക്കുന്ന കുമാരനെപ്പോലെ

kpsukumaran — Tue, 13 Mar 2012 08:13:20 -0000

/ /അഭിസാരികയെപ്പോലെ എന്നു പറഞ്ഞാല്‍ അതിന്റെ അര്‍ഥം അവര്‍ അഭിസാരികയാണ് എന്നാവുമോ ?/ / നല്ല ചോദ്യം. ഒരിക്കല്‍ ഒരു പൊതുയോഗത്തില്‍ വെച്ച് ആര്‍.ബാലകൃഷ്ണപ്പിള്ള “കേരളത്തോട് ഇങ്ങനെ അവഗണന കാണിച്ചാല്‍ ഇവിടെയുള്ള ചെറുപ്പക്കാരും പഞ്ചാബ് മോഡലില്‍ ആയുധം എടുക്കേണ്ടി വരും” എന്ന് പ്രസംഗിച്ചപ്പോള്‍ എന്ത് പുകിലായിരുന്നു. അദ്ദേഹം മന്ത്രിസ്ഥാനം രാജി വെക്കുന്നത് വരെ സി.പി.എം. അതൊരു ഇഷ്യു ആക്കി കേരളത്തെ സ്വൈര്യം കെടുത്തുകയുണ്ടായി. ബാലകൃഷ്ണപ്പിള്ള ആയുധമെടുക്കാന്‍ പറഞ്ഞ പോലെയാണ് ആ വാക്കുകളെ അന്ന് സി.പി.എം. വ്യാഖ്യാനിച്ചത്.

Re: നാലാം വര്‍ഷവും നാലായിരം ചോദ്യങ്ങളും

kpsukumaran — Wed, 29 Feb 2012 23:34:32 -0000

പ്രിയ റ്റോംസ്, അയച്ച മെയിലിന് മറുപടി അയയ്ക്കാന്‍ മറന്നുപോയിരുന്നു. ഇപ്പോഴാണ് ഓര്‍മ്മ വരുന്നത്. അതിരിക്കട്ടെ, മലയാളം ബ്ലോഗ് ഇന്ന് നിര്‍ജ്ജീവമാണ് എന്നാണ് എനിക്ക് തോന്നുന്നത്. ഓണ്‍‌ലൈനില്‍ സക്രിയമായി ഇടപെടുന്നവരെല്ലാം ഫേസ്‌ബുക്ക് തട്ടകമാക്കിയത് ബ്ലോഗിന് കനത്ത നഷ്ടം വരുത്തി വെച്ചിട്ടുണ്ട്. നമ്മള്‍ എന്തെങ്കിലും എഴുതുന്നത് നാലാള്‍ വായിക്കണമെന്നും പ്രതികരണം അറിയണമെന്നും ഉള്ള ആഗ്രഹത്തില്‍ ആയിരിക്കുമല്ലൊ. ഫേസ്‌‌ബുക്കില്‍ എന്ത് എഴുതിയാലും രണ്ട് വരിയില്‍ സ്റ്റാറ്റസ്സ് ആയാലും തല്‍ക്ഷണം ലൈക്കുകളോ കമന്റുകളോ കിട്ടിയിരിക്കും എന്ന് ഗ്യാരണ്ടിയാണ്. ഗ്രൂപ്പ് ചര്‍ച്ചകളിലൂടെ സജീവമായ സംവാദം നടക്കുന്നതും നൂറ്കണക്കിന് സുഹൃത്തുക്കളുമായി ഏത് നിമിഷവും ബന്ധപ്പെടാന്‍ കഴിയുന്നതും ഫേസ്‌ബുക്കിന്റെ മാത്രം സാധ്യതകളാണ്. ക്രിയാത്മകമായി എഴുതാനും ചര്‍ച്ചകളില്‍ പങ്കെടുക്കാനും കഴിയുന്നവര്‍ എല്ലാം ഫേസ്‌ബുക്കിലേക്ക് ചേക്കേറിയതായി കാണുന്നു. എന്നാല്‍ തന്നെയും ബ്ലോഗിന്റെ പ്രസക്തി ഇല്ലാതാവുന്നില്ല.

ഫേസ്‌ബുക്കില്‍ എഴുതുന്നതെല്ലാം നിമിഷങ്ങള്‍ക്കകം സ്ക്രോള്‍ ചെയ്യപ്പെട്ട് കടലില്‍ കായം കലക്കിയ പോലെ അപ്രത്യക്ഷമാവുകയാണ് ചെയ്യുക എന്ന് പലരും ഓര്‍ക്കുന്നില്ല. നൈമിഷികമായ സംവാദങ്ങളില്‍ അഭിരമിക്കുകയാണ് ഫേസ്‌ബുക്കിലൂടെ ചെയ്യുന്നത്. അവനവന്റെ വോളില്‍ ടൈപ്പ് ചെയ്യുന്നത് മാത്രമാണ് ടൈം‌ലൈനില്‍ സൂക്ഷിക്കപ്പെടുന്നത്. ബാക്കി എഴുതുന്നതിന് ഒരു ദിവസത്തെ പോലും ആയുസ്സ് ഇല്ല. ബ്ലോഗില്‍ ആവുമ്പോള്‍ നമ്മള്‍ എഴുതിയത് എപ്പോഴെങ്കിലും ആളുകള്‍ക്ക് വായിക്കാന്‍ സാധിക്കും. ചിലപ്പോള്‍ എന്തെങ്കിലും വിഷയം സര്‍ച്ച് ചെയ്ത് ആളുകള്‍ നമ്മുടെ ബ്ലോഗില്‍ എത്തിപ്പെടാനും സാധ്യതയുണ്ട്. നമ്മുടെ ആശയങ്ങളും അഭിപ്രായങ്ങളും ബ്ലോഗില്‍ സുരക്ഷിതമായി സൂക്ഷിക്കപ്പെടുന്നു. ആ സാധ്യത ഫേസ്‌ബുക്കിന് ഇല്ല.

ബ്ലോഗിന് ബ്ലോഗര്‍മാര്‍ അല്ലാത്ത വായനക്കാര്‍ എല്ലാ കാലത്തും കുറവായിരുന്നു. ബ്ലോഗ് വായനയുടെ മേഖല കുറച്ചു കൂടി വിസ്തൃതമാവുമ്പോള്‍ തീര്‍ച്ചയായും ബ്ലോഗിന് പ്രസക്തി ഏറുക തന്നെ ചെയ്യും. എന്തായാലും നാലാം വര്‍ഷത്തിലേക്ക് കടന്ന തട്ടകത്തിന് അഭിനന്ദനങ്ങള്‍ അറിയിക്കുന്നതോടൊപ്പം ഈ സംരംഭത്തിന് ആശംസകള്‍ നേരുകയും ചെയ്യുന്നു.

സസ്നേഹം,
കെ.പ്.എസ്.

Re: http://baijuvachanam.blogspot.com/2012/02/blog-post_15.html

kpsukumaran — Fri, 17 Feb 2012 21:38:17 -0000

എങ്ങനെയാണ് ഈ മത്സരത്തില്‍ പരിഗണിക്കപ്പെടുന്നത് എന്ന് എനിക്ക് മനസ്സിലായിട്ടില്ലായിരുന്നു. ബൂലോകം ഡോട്ട് കോമില്‍ എഴുതുന്നവരെ മാത്രമാണ് സൂപ്പര്‍ ബ്ലോഗര്‍ ആയി തെരഞ്ഞെടുക്കുന്നതെങ്കില്‍ അതില്‍ എന്ത് ശരിയാണ് ഉള്ളത്. മാതൃഭൂമിയില്‍ മാത്രം എഴുതുന്ന ഒരാള്‍ക്ക് സൂപ്പര്‍ പത്രപ്രവര്‍ത്തകന്‍ അവാര്‍ഡ് കൊടുത്താല്‍ എങ്ങനെയിരിക്കും. ബ്ലോഗ് എഴുതുന്നവരെയാണ് പൊതുവെ ബ്ലോഗര്‍ എന്ന് പറയുന്നത്. അപ്പോള്‍ സൂപ്പര്‍ ബ്ലോഗര്‍ അവാര്‍ഡിന് ബ്ലോഗ് എഴുതുന്നവരെയും ബ്ലോഗ് ഉള്ളവരെയുമല്ലെ പരിഗണിക്കേണ്ടത്. ബൂലോകം ഡോട്ട് കോം എന്നൊരു സൈറ്റ് ഉണ്ടാക്കി അതില്‍ എഴുതുന്നവരെ മാത്രം മത്സരാര്‍ത്ഥികളാക്കി ഒരു സൂപ്പര്‍ ബ്ലോഗര്‍ അവാര്‍ഡ് കൊടുക്കുന്നത് മറ്റ് ബ്ലോഗര്‍മാ‍രെ അപമാനിക്കലാണ് എന്ന് പറഞ്ഞാല്‍ തെറ്റാകുമോ? ഒന്നുമില്ലെങ്കില്‍ ഇതില്‍ ഒരു അനൌചിത്യമില്ലേ? അതെന്താ ആരും പറയാത്തേ? നിരക്ഷരനും നൌഷാദും അവാര്‍ഡ് അര്‍ഹിക്കുന്നുണ്ട് എന്നത് വേറെ കാര്യം.

Re: http://purambokkilanjucent.blogspot.com/2012/01/blog-post_27.html

kpsukumaran — Fri, 27 Jan 2012 22:34:44 -0000

നന്നായി എഴുതിയിരിക്കുന്നു. മോന്തായത്തിലിരുന്ന് പല്ലി ചിലച്ചത് രസിച്ചു. സ്വരം നന്നാകുമ്പോഴേ പാട്ട് നിര്‍ത്തുന്നതായിരുന്നു മോഹന്‍ലാലിന് നല്ലത്. രതിനിര്‍വ്വേദം പോലുള്ള സിനിമകള്‍ റിമേക്ക് ചെയ്യുന്ന പ്രവണതയ്ക്ക് അനുബന്ധമായിട്ടാവാം കാസനോവയും ഇറക്കിയത്. എന്തായാലും കേരളത്തില്‍ അല്ലെങ്കില്‍ തന്നെ ഗുരുതരമായി വ്യാപിച്ചിട്ടുള്ള ഞരമ്പ്‌രോഗത്തിന് ആക്കം കൂട്ടാനായി ഇങ്ങനെയൊരു പടം നിര്‍മ്മിക്കാനും അതില്‍ അഭിനയിക്കാന്‍ മോഹന്‍ലാല്‍ നിന്നുകൊടുത്തതും ഒക്കെ മോശമായിപ്പോയി എന്ന് പറയാതെ വയ്യ. കല കലയ്ക്ക് വേണ്ടി തന്നെയാണെന്ന് സമ്മതിച്ചാല്‍ പോലും സമൂഹത്തെ രോഗാതുരമാക്കാന്‍ കലയെ ദുരുപയോഗപ്പെടുത്തുന്നത് സമൂഹദ്രോഹം തന്നെയാണ്.